Frjálsíþróttakonan Bergrún Ósk Aðalsteinsdóttir frá FH hefur lokað sínum fyrstu Paralympics en í dag hafnaði hún í 8. sæti í langstökkskeppni T37 kvenna. Bergrún stökk lengst 4,04 metra en hennar besti árangur í greininni er 4,27 metrar.
Hin kínverska Xiaoyan Wen varð meistari með stökki upp á 5,13 metra. Wen þessi varð einnig heimsmeistari árið 2019 þegar þær Bergrún mættust í langstökkinu á HM í Dubai.
Stökksería Bergrúnar:3,74 – x – 4,04 – 3,85 – 4,01 – 3,92
Ísland hefur nú lokið þátttöku sinni í frjálsíþróttakeppninni á Paralympics þar sem Patrekur Andrés Axelsson úr FH kemur heim með nýtt Íslandsmet í 400m hlaupi T11. Bergrún kemur með annað met eða 9,57 metra í kúluvarpi. Glæsilegur árangur og til hamingju Patrekur og Bergrún.
