Sundmaðurinn Már Gunnarsson varð áttundi í úrslitum í 200m fjórsundi S11 á Paralympics í dag.
Már komst í úrslit þegar hann synti á 2:39,63mín. í undanrásum en í úrslitum kvöldsins kom hann í bakkann á 2:37,43 mínútum.
Már hefur nú lokið þremur af fjórum keppnisgreinum sínum á Paralympics en hann mun loka leikunum fyrir Íslands hönd þegar hann syndir 3. september og verður svo fulltrúi þjóðarinnar við lokaathöfn leikanna 5. september.
Nú þegar er keppni í frjálsum íþróttum lokið og frjálsíþróttahópur Íslands væntanlegur heim þann 1. september.
