Hilmar Snær Örvarsson frá skíðadeild Víkings varð í dag annar á landsmóti Liechtenstein í svig í standandi flokki karla. Frakkinn Arthur Bauchet hafði sigur úr býtum en Hilmar bætti tíma sinn á milli ferða í dag við aðstæður sem verða vart mikið betri.
Hilmar kom í mark á tímanum 44,69 sek í fyrri ferð en í þeirri síðari náði hann að skafa tíma sinn örlítið niður og kom í mark á 44,00 sek. Heildartími dagsins var því 1:28,69mín.
Snjórinn í dag var svolítið blautur en góður klaki undir og skíðamennskan var góð að sögn Hilmars sem á morgun lýkur keppni í Malbun þegar svigkeppni Europa Cup fer fram.
Myndir/ Jón Björn
