Paralympics fara fram í Tokyo dagana 24. ágúst – 5. september næstkomandi. Alls munu sex íslenskir keppendur taka þátt á leikunum og fimm af þeim munu taka þátt í sínum fyrstu leikum á ferlinum.
Íslenski hópurinn heldur utan þann 15. ágúst næstkomandi og mun dvelja í æfingabúðum í Tama fram til 21. ágúst þegar hópurinn færir sig inn í Paralympic-þorpið.
Aðalfararstjóri í ferðinni verður Jón Björn Ólafsson.
Í London 2012 var Ísland með fjóra keppendur, í Ríó de Janeiro 2016 átti Ísland fimm fulltrúa og í ár eru keppendurnir orðnir sex talsins og því virkilega ánægjulegt að sjá stöðuga fjölgun í hópi Íslands á þessu stærsta sviði afreksíþróttanna.
Þórður Árni Hjaltested formaður Íþróttasambands fatlaðra verður gestur við leikana en í ljósi sóttvarna verða áhorfendur ekki heimilaðir nema að afar takmörkuðu leyti.
Sökum sóttvarna í Japan mun íslenski hópurinn svo koma heim aftur til Íslands þann 1. september, 4. september og 6. september
Íþrótt: Sund – Fæddur: 1999 – Flokkur: S11 Már er á leið á sína fyrstu Paralympics þar sem hann keppir í fjórum greinum en það eru 50m skriðsund, 100m baksund, 100m flugsund og 200m fjórsund. Már fór mikinn á HM 2019 og vann þar til verðlauna og setti m.a. nýtt heimsmet í 200m baksundi á þessu ári. 
Arna Sigríður Albertsdóttir – HFR Íþrótt: Hjólreiðar – Fædd: 1990 – Flokkur: H3 Arna Sigríður verður fyrst Íslendinga til þess að keppa í hjólreiðum á Paralympics. Arna hlaut bipartite-slot á leikana. Þetta eru fyrstu leikar Örnu en hún hefur rutt brautina á Íslandi í handahjólreiðum. Arna mun keppa í Road Race og Time Trial í Tókýó. 
Róbert Ísak Jónsson – Fjörður/SH Íþrótt: Sund – Fæddur: 2001 – Flokkur: S14 Róbert Ísak er á leið á sína fyrstu Paralympics þar sem hann keppir í sundi og er skráður til leiks í 100m bringusundi, 100m flugsundi og 200m fjórsundi. Róbert hlaut bipartite-slot á leikana en hann lét vel að sér kveða á EM í Portúgal fyrr á þessu ári. 
Thelma Björg Björnsdóttir – ÍFR Íþrótt: Sund – Fædd: 1996 – Flokkur: S6/SB5 Thelma Björg er eini íþróttamaðurinn í hópnum sem er að fara á sína aðra leika. Hennar fyrstu leikar voru í Río de Janeiro 2016. Thelma keppir í 400m skriðsundi og 100m bringusundi. 
Bergrún Ósk Aðalsteinsdóttir – FH Íþrótt: Frjálsar íþróttir – Fædd: 2000 – Flokkur: T/F 37 Bergrún Ósk er á leið á sína fyrstu Paralympics þar sem hún keppir í langstökki og kúluvarpi. Bergrún hefur þrátt fyrir ungan aldur talsverða keppnisreynslu á stórmótum og vann m.a. til verðlauna í kúluvarp á EM í Póllandi í sumarbyrjun. 
Patrekur Andrés Axelsson – FH Íþrótt: Frjálsar íþróttir – Fæddur: 1994 – Flokkur: T11 Patrekur er á leið á sína fyrstu Paralympics þar sem hann mun keppa í 400m spretthlaupi. Leiðsöguhlaupari Patreks í Tokyo verður Helgi Björnsson.
KEPPNISDAGSKRÁ ÍSLANDS Í TOKYO
25. ágúst:
Róbert Ísak Jónsson: 100m flugsund S14 – undanrásir
27. ágúst:
Már Gunnarsson: 50m skriðsund S11 – undanrásir
28. ágúst:
Már Gunnarsson: 100m baksund S11 – undanrásir
Thelma Björg Björnsdóttir: 100m bringusund SB5 – undanrásir
Patrekur Andrés Axelsson: 400m hlaup T11 – undanrásir
Bergrún Ósk Aðalsteinsdóttir: Kúluvarp F37 – úrslit
29. ágúst
Róbert Ísak Jónsson: 100m bringusund SB14 – undanrásir
Bergrún Ósk Aðalsteinsdóttir: Langstökk T37 – úrslit
30. ágúst:
Már Gunnarsson: 200m fjórsund S11 – undanrásir
31. ágúst
Róbert Ísak Jónsson: 200m fjórsund S14 – undanrásir
Arna Sigríður Albertsdóttir: Time Tria C1-3
1. september
Arna Sigríður Albertsdóttir: Road Race H1-3
2. september
Thelma Björg Björnsdóttir: 400m skriðsund S6 – undanrásir
3. september
Már Gunnarsson: 100m flugsund S11 – undanrásir
AÐRIR FULLTRÚAR ÍSLANDS VIÐ LEIKANA:
ÞÓRÐUR ÁRNI HJALTESTED FORMAÐUR ÍF
JÓN BJÖRN ÓLAFSSON AÐALFARARSTJÓRI
BALDUR HELGI INGVARSSON LÆKNIR OG COVID LIASON OFFICER
KÁRI JÓNSSON HÓPSTJÓRI OG ÞJÁLFARI Í FRJÁLSUM
ÁSMUNDUR JÓNSSON NUDDARI/FRJÁLSAR
MELKORKA RÁN HAFLIÐADÓTTIR ÞJÁLFARI/AÐSTOÐARHLAUPARI
HELGI BJÖRNSSON AÐSTOÐARHLAUPARI
GUNNAR MÁR MÁSSON AÐSTOÐARMAÐUR OG TAPPER – SUND
RAGNAR FRIÐBJARNARSON ÞJÁLFARI/ SJÚKRAÞJÁLFARI – SUND
KRISTÍN GUÐMUNDSDÓTTIR HÓPSTJÓRI/ÞJÁLFARI – SUND
RAGNHEIÐUR EYJÓLFSDÓTTIR HÓPSTJÓRI OG ÞJÁLFARI – HJÓLREIÐAR
KRISTÍN LINDA KRISTINSDÓTTIR – STARFSMAÐUR Í PARALYMPIC ÞORPINU.
STEINDÓR GUNNARSSON EINKAÞJÁLFARI/ SUND
GESTIR OG SAMSTARFSAÐILAR
STEFÁN HAUKUR JÓHANNESSON SENDIHERRA ÍSLANDS Í TOKYO
HALLDÓR ELÍS ÓLAFSSON SENDIRÁÐSSTARFSMAÐUR
