Heim 2. tbl 2020 Hilmar spýtti í lófana í seinni ferð og hafnaði í 14. sæti

Hilmar spýtti í lófana í seinni ferð og hafnaði í 14. sæti

2 min read
Slökkt á athugasemdum við Hilmar spýtti í lófana í seinni ferð og hafnaði í 14. sæti
0
146

Hilmar Snær Örvarsson frá skíðadeild Víkings var að ljúka sínum keppnisdegi í stórsvigi á Evrópubikarmótaröðinni sem nú stendur yfir í Sviss. Hilmar og Þórður Georg Hjörleifsson þjálfari hans voru fjarri því glaðir með fyrri ferðina en í síðari ferðinni bætti Hilmar tíma sinn um 5 sekúndur. Hilmar var í 20. sæti eftir fyrri ferðina í morgun en þá kom hann í mark á tímanum 1:05.02 mín. en í síðari ferðinni kom hann í mark á tímanum 1:00.67 mín og hafnaði í 14. sæti. Mót dagsins var það fyrsta hjá Hilmari þetta tímabilið eftir langa fjarveru vegna heimsfaraldurs COVID-19.

Þórður Georg þjálfari Hilmars sagði um fyrri ferðina að: „ferðin hefði klikkað aðeins á flatanum,” en það er þá ljóst að úr því var bætt í síðari ferðinni þar sem Hilmar komst nærri því undir mínútumarkið. Á morgun tekur við keppnisdagur í heimsbikarmótaröðinni og þá er stórsvig aftur á dagskrá sem og á fimmtudag en á föstudag og laugardag verður keppni í svigi.

Sækja skyldar greinar
Load More By merla
Load More In 2. tbl 2020
Comments are closed.

Skoðaðu einnig

Íslandsmót ÍF í frjálsum innanhúss

Íslandsmót ÍF í frjálsum innanhúss fer fram í Kaplakrika laugardaginn 6. mars næstkomandi.…