Thelma Björg Björnsdóttir, ÍFR, keppti um helgina á Opna Þýska meistaramótinu í Berlín og undirbýr sig fyrir Paralympics sem fara fram í Tókýó í lok ágúst. Á mótinu tók hún þátt í 100m bringusundi, 100m skriðsund og 50m skriðsund.
Keppnin hófst þann 17. júní þar sem Thelma Björg keppti í 100m bringusundi og synti á tímanum 1:54,99 í undanrásunum sem kom henni áfram í C úrslit. Í úrslitunum endaði hún á tímanum 1:56,00 en Íslandsmet Thelmu Bjargar í sundinu er 1:52,79.
Næsta grein var 100m skriðsundi þar sem hún synti á tímanum 1:30,18 og Thelma Björg endaði mótið á 50m skriðsundi þar sem hún synti á tímanum 0:41,31.
Næst taka við æfingar ásamt æfingabúðum í sumar fram að Tókýó.
