Sambandsþing Íþróttasambands fatlaðra fór fram í Laugardalshöll í dag. Þórður Árni Hjaltested var endurkjörinn formaður ÍF og Ásta Katrín Helgadóttir var kjörin nýr liðsmaður varastjórnar ÍF.
Matthildur Kristjánsdóttir lét af stjórnarstörfum fyrir ÍF og inn í hennar stað var kjörin Ásta Katrín Helgadóttir til varastjórnar en við það tók Þór Jónsson sæti í aðalstjórn. Voru Matthildi þökkuð vel unnin störf í þágu ÍF og hún sæmd gullmerki sambandsins af þessu tilefni.
Við þingsetningu í morgun var sex Paralympic-keppendum Íslands veitt bronsmerki ÍF en það voru þau Róbert Ísak Jónsson, Már Gunnarsson, Thelma Björg Björnsdóttir, Patrekur Andrés Axelsson, Bergrún Ósk Aðalsteinsdóttir og Arna Sigríður Albertsdóttir. Starfsfólk við leikana í Tokyo fékk afhentan blómvönd við þingsetningu.
Við þinglok veitti stjórn ÍF fjórum aðilum heiðursmerki sambandsins en þau voru:
Harpa Björnsdóttir, formaður íþróttafélagsins Ívars, gullmerki ÍF
Valgerður Hróðmarsson nefndarkona í boccianefnd ÍF, gullmerki ÍF
Matthildur Kristjánsdóttir fráfarandi stjórnarkona ÍF, gullmerki ÍF
Jón Björn Ólafsson, íþrótta- og fjölmiðlastjóri ÍF, silfurmerki ÍF
Stjórn ÍF vill þakka þingfulltrúum fyrir góð störf við þingið í dag.
Mynd/ JBÓ – Ný stjörn ÍF tímabilið 2021-2023. Á myndina vantar Ástu Katrínu Helgadóttur.
