Íþróttasamband fatlaðra og Valitor endurnýjuðu á dögunum samstarfs- og styrktarsamning sín á milli. Fyrir vikið verður Valitor áfram einn af helstu bakhjörlum sambandsins fyrir undirbúning og þátttöku keppnda ÍF á Paralympics sem fram fara í Tokyo 2021.
Þórður Árni Hjaltested formaður ÍF og Herdís Fjeldsted framkvæmdastjóri Valitor undirrituðu nýja samninginn í blíðskaparviðri í Laugardal. Með þeim í för var Arna Sigríður Albertsdóttir sem þessi dægri dvelur í Japan og tekur brátt þátt í sínum fyrstu Paralympics. Arna verður jafnframt fyrsta hjólreiðamanneskjan frá Íslandi til þess að keppa á Paralympics.
Samstarf ÍF og Valitor spannar áratugaskeið og hefur Valitor varðað leiðina með ÍF í íþróttum og lýðheilsu fatlaðra. „Það er lífsnauðsynlegt fyrir samband eins og okkar að njóta krafta öflugra aðila eins og Valitor. Á afrekssviði fatlaðra harðnar keppnin frá ári til árs og miklu til kostað í viðleitni okkar til að vera á meðal þeirra fremstu,“ sagði Þórður Árni eftir undirritun samningsins.
