Nýverið framlengdu Íþróttasamband fatlaðra og Rúmfatalagerinn samstarfi sínu sem staðið hefur til áratuga! Rúmfatalagerinn verður því áfram einn af helstu bakhjörlum sambandsins og mun fylgja ÍF inn í nýjan Paralympic-hring til og með Paralympics í Frakklandi 2024! Sambandið er stolt af því að eiga jafn öflugan bakhjarl og Rúmfatalagerinn og ekki síst fyrir þar sem Rúmfatalagerinn hefur verið einn af stærstu samstarfsaðilum sambandsins en samstarfið spannar nú 25 ár eða frá árinu 1996.
Þórður Árni Hjaltested formaður ÍF og Þórarinn Ólafsson framkvæmdastjóri Rúmfatalagersins á Íslandi undirrituðu nýja samninginn ásamt Tokyo-hópi Íslands í Grasagarði Reykjavíkur á dögunum.
Skemmst er frá því að segja að á meðan þessi nýji samningur var undirritaður barst Íslandi góð fregn því á sama tíma hlaut hjólreiðakonan Arna Sigríður Albertsdóttir sæti við Tokyo-leikana sem þá skýrir fjarveru hennar við myndatökuna. Óhætt er því að varpa því fram að lán fylgi sameiginlegri vegferð ÍF og Rúmfatalagersins.
Þórður Árni, ÍF, og Þórarinn, Rúmfatalagerinn ásamt fimm af fulltrúum Íslands á Paralympics 2020 í Grasagarðinum í Reykjavík þegar nýr samningur var undirritaður.
