Sundmaðurinn Már Gunnarsson, ÍRB, hafnaði í kvöld í 5. sæti í 100m baksundi S11 á Evrópumeistaramóti IPC í Portúgal. Gullið fór til Úkraínu til Mykahilo Serbin sem kom í bakkann á 1:10.28 mín.
Baráttan um sæti á verðlaunapalli var einkar hörð í kvöld en þrír sundmenn syntu á sömu sekúndunni í mark en efstu fimm sæti kvöldsins fóru svo: Mykahilo Serbín: 1:10.28 mín.
Wojciech Makowski: 1:10.61 mín.
Oksandr Ariukhow: 1:11.31 mín.
Marco Meneses: 1:11.40 mín.
Mar Gunnarsson: 1:11.81 mín.
Már hefur þar með lokið keppni í Portúgal þar sem hann komst í úrslit í þremur af fimm greinum en hann náði 4. sæti í 100m flugsundi, 5. sæti í 100m baksundi og 9. sæti í 50m skriðsundi.
