![](https://hvatisport.is/wp-content/uploads/2021/05/marannarheadery-850x491.jpg)
![](https://hvatisport.is/wp-content/uploads/2021/05/189343771_186513040009640_2671668071357875611_n-768x1024.jpg)
Már Gunnarsson varð áðan annar inn í úrslit kvöldsins í 100m baksundi á Evrópumeistaramóti IPC sem nú stendur yfir í Madeira í Portúgal. Heimamaðurinn Marco Meneses var með besta tímann í undanrásum á 1:11.14 mín.
Íslandsmet Más í greininni er 1:10,43 mín. og hefur staðið síðan á HM í London þar sem hann vann til bronsverðlauna í greininni. Heims- og Evrópumetið í greininni er í eigu úkraínumannsins Dmytro Zalevskyi en það er 1:06,66 mín og var sett á Paralympics í Río 2016.
Már verður því í úrslitum kvöldsins og má sjá hann í beinni á Facebook-síðu ÍF í kvöld þar sem hann mun selja sig dýrt við að slást um önnur verðlaun Íslands á mótinu.