Sundmaðurinn Már Gunnarsson setti í kvöld nýtt og glæsilegt Íslandsmet í 200m fjórsundi S11 á Evrópumeistaramóti IPC í Madeira, Portúgal.
Már var ekki langt frá verðlaunasæti á tímanum 2:36,97 mín. sem er nýtt Íslandsmet en Hvít-Rússinn Hryhory Zudzilau landaði bronsinu á tímanum 2:34,62 mín.
Már var eini keppandi Íslands á mótinu í dag og fékk Róbert Ísak hvíldardag en báðir verða þeir á ferðinni á morgun þegar Már keppir í 100m skriðsundi og Róbert í 200m fjórsundi S14.
