Skíðamaðurinn Hilmar Snær Örvarsson íþróttamaður ÍF 2020 leggur brátt land undir fót en síðar í þessum mánuði mun hann keppa í svigi og stórsvigi í Sviss.
Mótið sem verður fyrsta verkefni ársins hjá Hilmari er í Veysonnaz er liður í bæði Evrópu- og heimsbikarmótaröðinni. Keppnin stendur yfir 19.-23. janúar.
Á þessu stigi málsins er enn að skýrast verkefnastaða í alpagreinum hjá Alþjóða Ólympíuhreyfingu fatlaðra (IPC) en heimsmeistaramótið sem fara átti fram í Lillehammer í Noregi í febrúar var fært til janúarmánaðar 2022 en það sama ár fara einnig fram Vetrar Paralympics í Peking, Kína.
