Sumarbúðir Íþróttasambands fatlaðra fagna í ár 35 ára starfsafmæli en vinsældir búðanna eru gríðarlegar og síðustu ár hafa skapast talsverðir biðlistar við að komast inn í búðirnar.
Hvatisport.is ræddi við Jóhann Arnarson annan tveggja búðastjóra Sumarbúðanna en þetta verður í 31. sinn sem Jóhann starfar við búðirnar. Í viðtalinu rekur Jóhann m.a. sögu búðanna og hve glæsilegar mótttökurnar eru hvert ár hjá heimamönnum en margar hendur koma að því að gera Sumarbúðirnar jafn vel úr garði og raun ber vitni. Jóhann kom einnig inn á hve reyndur starfshópurinn við búðirnar sé og það skipti afar miklu máli fyrir iðkendur sem og aðstandendur.
Hér á Facebook-síðu Sumarbúðanna má sjá bæði myndir og myndbönd frá blómlegri starfsemi búðanna. Sjá viðtalið við Jóhann hér að neðan.
