Stórsvigskeppninni er lokið hjá Hilmari Snæ Örvarssyni sem um þessar mundir er staddur í Sviss. Hilmar lauk stórsvigskeppni dagsins í 9. sæti sem er hans besti árangur í Sviss af þessum þremur keppnisdögum sem farið hafa fram.
Fyrsti dagurinn var á Evrópumótaröðinni en síðustu tveir keppnisdagar í stórsvigi hafa verið á heimsbikarmótaröð IPC. Hilmar var í 12. sæti eftir fyrri ferðina á tímanum 55.42 sek. og þó hann hafi verið sekúndubrotum hægari í seinni umferðinni 55.84 sek. þá kliraði hann engu að síður upp úr 12. sæti í það níunda. Rétt eins og síðustu tvo stórsvigsdaga var það Frakkinn Arthur Bauchet sem hafnaði í 1. sæti.
Á morgun, föstudag og á laugardag verður keppt í svigi sem er sterkari grein Hilmars af þessum tveimur en báðir svigdagarnir munu telja inn á heimsbikarmótaröðina
