![](https://hvatisport.is/wp-content/uploads/2021/05/madeiraheader-850x491.jpg)
Heimsmeistaramót IPC í sundi 2022 fer fram á eyjunni Madeira í Portúgal dagana 12.-18. júní 2022. Nýverið lauk þar Evrópumeistaramóti sem þótti takast vel til þrátt fyrir krefjandi aðstæður vegna heimsfaraldurs COVID-19.
Dagsetning mótsins var kynnt við lok Evrópumeistaramótsins og verður heimsmeistaramótið á næsta ári stærsti ParaSport viðburðinn sem nokkurntíman hefur farið fram í Portúgal. Rót hefur verið á framkvæmd heimsmeistaramótsins sökum COVID-19 en síðasta heimsmeistaramót fór fram í London 2019 þar sem tæplega 640 keppendur mættu til leiks.
![](https://hvatisport.is/wp-content/uploads/2021/05/190337721_376389070456271_3410404077702545702_n-1-1024x777.png)
Róbert Ísak Jónsson sundmaður vopnaður grímu á Evrópumeistaramótinu í Madeira. Hann og fleiri sundmenn frá Íslandi munu vísast freista þess að tryggja sér þátttökurétt á HM á sama stað á næsta ári.