Flokka- og bikarmót Íþróttasambands fatlaðra í sundi fór fram í Ásvallalaug um síðastliðna helgi. Íþróttafélagið Fjörður varð þá bikarmeistari og eitt nýtt Íslandsmet leit dagsins ljós.
Fjörður hlaut 707 stig í bikarkeppninni en í 2. sæti var ÍFR með 340 stig og Ösp hafnaði í 3. sæti með 192 stig. Óðinn varð í fjórða sæti með 92 stig og Ármann hafnaði í 5. sæti með 32 stig.
Sundkonan Sonja Sigurðardóttir setti eina Íslandsmet mótsins en það gerði hún í 200m skriðsundi S4 þegar hún synti á tímanum 4:49.04 mín.
Við ræddum við Guðfinn Karlsson sundmann úr Firði og Sonju Sigurðardóttur sundkonu frá ÍFR en bæði eru þau á leið á HM í sundi í Portúgal þann 8. júní næstkomandi:
Viðtal við Guðfinn
https://www.facebook.com/IthrottasambandFatladra/videos/417666096613933/
Viðtal við Sonju
https://www.facebook.com/IthrottasambandFatladra/videos/564665218355686/
