Jafnan þegar Paralympics fara fram eru þjóðlönd boðin velkomin í Paralympic-þorpið með fánahyllingu og lítilli samkomu. Þá hafa borgarstjórar Paralympic-þorpanna og fararstjórar keppnislandanna skipst á gjöfum en vegna heimsfaraldurs Covid-19 var ákveðið að draga úr fjöldasamkomum í þorpinu að þessu sinni og því engin mótttökuhátíð né sérstök fánahylling.
Þrátt fyrir aðstæður gátu Jón Björn Ólafsson aðalfararstjóri íslenska hópsins og borgarstjóri Paralympic-þorspins skiptst á gjöfum og kveðjum.
Gjöf Íslands til þorpsins var haganlega útskorið Ísland frá SIGN skartgripum með áletrun um þakklæti íslenska hópsins og þjóðarinnar fyrir gestrisnina í þorpinu.
Allur íslenski hópurinn er nú kominn inn í þorpið og á lokametrunum í undirbúningi sínum fyrir átökin. Opnunarhátíð leikanna er 24. ágúst og svo er það Hafnfirðingurinn Róbert Ísak Jónsson sem opnar leikana fyrir Ísland þegar hann keppir í sundi 25. ágúst.
