Hilmar Snær Örvarsson frá skíðadeild Víkings hefur lokið keppni í Sviss á heimsbikarmótaröð IPC.
Hilmar náði sínum besta árangri í dag þegar hann hafnaði í 7. sæti í svigkeppninni. Hilmar heldur heim á leið á morgun en hann stóð allar ferðir keppninnar en tæknileg mistök í gær gerðu það að verkum að hann var dæmdur úr leik eftir fyrri ferðina.
Allir sterkustu keppendurnir í standandi flokki voru mættir til leiks í Sviss enda var hægt að skora punkta á bæði Evrópu- og heimsbikarmótaröðinni. Frakkinn Arthur Bauchet vann gull alla keppnisdagana. Þetta árið verða aðeins Evrópu- og heimsbikarmótaraðirnar í boði þar sem heimsmeistaramótinu sjálfu var frestað vegna COVID-19 en það átti að fara fram í Lillehammer í Noregi.
