Global Games fara fram í Vichy í Frakklandi dagana 4.-10. júní næstkomandi. Alls sendir Ísland sjö keppendur á mótið en leikarnir eru á vegum VIRTUS sem eru alþjóðasamtök íþróttafólks með þroskahamlanir.
Keppendur Íslands munu taka þátt í frjálsum og sundi, tveir keppendur í frjálsum og fimm í sundi. Global Games eru ört vaxandi leikar þar sem keppt er í þremur mismunandi flokkum þroskahamlana og má gera ráð fyrir fjölmörgum keppendum við mótið sem eru líklegir til að láta vel að sér kveða á Paralympics í París árið 2024.
Keppendur Íslands á Global Games 2023
Frjálsar
Stefanía Daney Guðmundsdóttir – Eik
Hulda Sigurjónsdóttir – Ármann
Sund
Emelía Ýr Gunnarsdóttir – Fjörður
Róbert Ísak Jónsson – Fjörður
Snævar Örn Kristmannsson – ÍFR
Þórey Ísafold Magnúsdóttir – KR
Anna Rósa Þrastardóttir – Fjörður
Mynd með frétt/ JBÓ: Sundkonan Anna Rósa frá Firði verður á meðal íslensku keppendanna í Frakklandi.
