Arnar Helgi Lárusson varð fyrstur Íslendinga til að taka verðlaun í hjólastólakappakstri (e. Wheelchair racing) á stórmóti fyrir Íslands hönd. Það gerði hann á EM 2014 í Swansea en í dag eru það handahjólreiðar sem eiga hug hans allan. Hvatisport.is fékk Arnar til þess að kynna báðar greinar og þá einkum og sér í lagi búnaðinn sem fylgir þessari íþróttaiðkun. Arnar segir möguleikana endalausa og að báðar greinar séu aðgengilegar öllum fötlunarhópum.