Bogfimimaðurinn Þorsteinn Halldórsson hafnaði í 9. sæti á European Para Archery Championships sem nú stendur yfir í Róm á Ítalíu. Þorsteinn hefur verið á miklu skriði í sumar og klifrar nú jafnt og þétt upp heimslistann.
Þorsteinn keppti í opnum flokki karla í compound eða trissuboga og í 16 manna úrslitum lagði hann Svisslendinginn Hértier Pascal að velli 141-139. Í átta manna úrslitum varð Þorsteinn svo að fella sig við nauman 142-145 ósigur gegn Úkraínumanninum Atamenenko Serhiy. Stigaskor Þorsteins dugði honum í níunda sæti mótsins.
Mynd/ Þorsteinn fyrir miðju á EM í Róm
