Þann 31.desember 2020 var Hilmar Snær Örvarsson útnefndur íþróttamaður Víkings árið 2020. Þetta kemur fram á heimasíðu Víkinga
Í frétt Víkinga segir einnig:
Óhætt er að segja að keppnistímabilið 2019-2020 hafi verið viðburðaríkt hjá Hilmari Snæ. Fyrir tímabilið var ákveðið að leggja höfuðáherslu á Evrópubikarinn en þó með það að markmiði að taka þátt í nokkrum heimsbikarmótum.
Á tímabilinu tók Hilmar Snær þátt í fimmtán mótum á alþjóðlegum vettvangi, þar af þréttan Evrópubikarmótum en þremur heimsbikarmótum.
Hilmar sýndi frábæra takta og mikinn stöðuleika yfir veturinn í krefjandi aðstæðum víðsvegar um Evrópu. Árangurinn lét ekki á sér standa en Hilmar stóð uppi sem sigurvegari í fimm af þessum mótum og var á verðlaunapalli í ellefu þeirra. Þessi frábæra frammistaða og gífurlegi stöðuleiki gerði það að verkum að í lok tímabils stóð Hilmar uppi sem Evrópubikarmeistari í svigi og samanlagðri keppni í öllum greinum (svig, stórsvig, risasvig og brun). Hilmar var einnig í öðru sæti í Evrópubikarnum í samanlagðri keppni í stórsvigi.
Hilmar hefur vakið verðskuldaða athygli fyrir sín afrek og er mikil fyrirmynd fyrir aðra iðkendur. Á dögunum var Hilmar Snær valinn íþróttamaður ársins 2020 hjá Íþróttasambandi fatlaðra.
