Um miðjan desembermánuð lauk sýningum á Ólympíukvöldum fatlaðra hjá RÚV. Voru þættirnir á dagskrá fimm sunnudaga í röð og eru nú allir aðgengilegir í sarpinum hjá ruv.is
Þættirnir fjölluðu í máli og myndum um sögu Paralympics (Ólympíumót fatlaðra) og þátttöku Íslands í verkefnunum frá árinu 1980.
Fjöldi gesta lagði leið sína í sjónvarpssal en þáttunum stýrðu íþróttafréttamennirnir Haukur Harðarson og Einar Örn Jónsson.
Á meðal viðmælenda voru fyrrum formenn, fararstjórar, íþróttafólk, fjölmiðlafólk og samstarfsaðilar á borð við Össur en í hverjum þætti mátti heyra skemmtilegar og lifandi samræður um hverja leika ásamt mögnuðu myndefni sem ekki hefur komið oft fyrir sjónir almennings. Hér að neðan er hægt að nálgast alla þættina í sarpi RÚV.
