Hrós dagsins fá Urriðaholtsskóli og leikskólinn Jötunheimar Selfossi fyrir áherslu á markvissa hreyfiþjálfun
Urriðaholtsskóli hefur sýnt mikinn áhuga á innleiðingu YAP verkefnisins sem byggir á markvissri hreyfiþjálfun barna með frávik en hentar fyrir öll börn. Í Urriðaholtsskóla hefur YAP verkefnið verið aðlagað hreyfiþjálfun sem fyrir var en mikill áhugi er hjá stjórnendum að nýta verkfærakistu YAP verkefnisins. Í haust mun Þorgerður Kristín Guðmundsdóttir, iðjuþjálfi. vera umsjónaraðili innleiðingar YAP hjá Urriðaholtsskóla og þróa verkefnið enn frekar. .
Leikskólinn Jötunheimar, Selfossi hefur ráðið Sigurlín Jónu Baldursdóttur til að sjá um hreyfiþjálfun í leikskólanum. Hún býr yfir gríðarlegri reynslu sem íþróttakennari við Klettaskóla og fimleikaþjálfari ungmenna með frávik.
Kynning og innleiðing YAP á Íslandi mun halda áfram í haust og leikskólar sem sýna áhuga á samstarfi fá ráðgjöf og aðstoð til að þróa verkefnið áfram. Rannsóknir hafa sýnt að markviss hreyfiþjálfun, ekki síst snemmtæk íhlutun á því sviði hefur haft mikil áhrif, ekki aðeins á líkamlega færni heldur aðra þætti sem tengjast námi, félagsfærni og daglegu lífi.
Vonandi rennur upp sá tími að öll börn fái markvissa hreyfiþjálfun í leikskólum, sama hvar á landi þau búa eða hvaða leikskóla þau velja.
ÍF og Special Olympics á Íslandi fagna áherslu leikskólanna tveggja á markvissa árangursmiðaða hreyfiþjálfun og það verður áhugavert að fylgjast með þeirra starfi
