Íslensk getspá og ÍF varða leiðina til Tókýó
Íþróttasamband fatlaðra og Íslensk getspá hafa gert með sér nýjan samstarfssamning sem gildir út árið 2020. Þannig verður áframhald á áralöngu og öflugu samstarfi sambandsins við Íslenska getspá. Þórður Árni Hjaltested, formaður Íþróttasambands fatlaðra, sagði við þetta tilefni að einkar mikilvægt væri fyrir íþróttahreyfinguna að halda fram veginn áfram með reyndum og öflugum bakhjörlum á borð við Íslenska getspá.
„Íþróttasambandi fatlaðra hefur um árabil hlotnast sú gæfa að eiga að öfluga samstarfsaðila sem hafa tryggt vegverð íþróttafólksins okkar. Það er ánægjulegt að ÍF og Íslensk getspá hafi framlengt sínu góða samstarfi enda eitt okkar stærsta verkefni fram undan á árinu 2020 þegar Ísland tekur þátt á Paralympics í Tókýó.“
Á myndinni frá vinstri eru Stefán Konráðsson, framkvæmdastjóri Íslenskrar getspár, Halldóra María Einarsdóttir markaðsstjóri, Þórður Árni Hjaltested, formaður ÍF, og Ólafur Magnússon framkvæmdastjóri fjármála- og afrekssviðs ÍF.
