Í dag miðvikudaginn 17. maí fagnar Íþróttasamband fatlaðra 44 ára afmæli. Sambandið var stofnað þennan dag árið 1979.
Framkvæmdastjórn ÍSÍ boðaði til stofnfundar ÍF að Hótel Loftleiðum þennan dag þar sem mættir voru 22 fulltrúar frá 12 héraðssamböndum. Gísli Halldórsson þáverandi forseti ÍSÍ setti fundinn og stýrði.
Á tæpri hálfri öld hafa íslenskir íþróttamenn úr röðum fatlaðra borið hróður Íslands víða og unnið til fjölmargra verðlauna á Paralympics, Heims- og Evrópumeistaramótum.
Við þessi tímamót er ekki úr vegi að senda kærar þakkir til allra þeirra sem komið hafa að starfsemi ÍF í gegnum árin. Veri það einstaklingar, fyrirtæki og aðrar stofnanir. Það er mikilvægt starfinu okkar að vita til þess hve mikinn stuðning íþróttafólk úr röðum fatlaðra hefur notið allan þennan tíma.
Upp og áfram Ísland og áfram íþróttir!
