Heim 2. tbl 2019 Ísland sat 30 ára afmælis- og aðalfund IPC í Bonn

Ísland sat 30 ára afmælis- og aðalfund IPC í Bonn

2 min read
Slökkt á athugasemdum við Ísland sat 30 ára afmælis- og aðalfund IPC í Bonn
0
75

Aðalfundur Alþjóðaólympíuhreyfingar fatlaðra (IPC) fór fram í Bonn í Þýskalandi í lok októbermánaðar. Fulltrúar Íslands á fundinum voru Þórður Árni Hjaltested, formaður ÍF, og Ólafur Magnússon, framkvæmdastjóri fjármála- og afrekssviðs ÍF.

Íþróttasambönd fatlaðra á Norðurlöndum hafa um árabil unnið vel saman á alþjóðavettvangi og á því var engin breyting nú þar sem fulltrúar Norðurlandaþjóðanna komu saman til skrafs og ráðagerða í aðdraganda aðalfundarins. Samstarf Norðurlandanna er fjölbreytt og er m.a. með fulltyngi Evrópusambandsins í #AllIn-verkefninu.
Þá var Jón Björn Ólafsson, íþrótta- og fjölmiðlafulltrúi ÍF, viðstaddur markaðs- og fjölmiðlaráðstefnu í aðdraganda aðalfundarins en IPC hefur allt frá Paralympics 2012 sótt verulega í sig veðrið í alþjóðlegri markaðssetningu á íþróttum fatlaðra.
Á aðalfundi IPC voru fjögur ný lönd vígð inn sem NPC (National Paralympic Committee) en það voru Kiribatí, Maldíveyjar, Malta og Paragvæ. Þar með eru aðildarlönd IPC orðin 205 talsins og starfandi NPC alls 182.

Sækja skyldar greinar
Load More By merla
Load More In 2. tbl 2019
Comments are closed.

Skoðaðu einnig

ÍSÍ hvetur til hreysti

Sumir hlutir fást ekki keyptir úti í búð, ekki einu sinni í nýjustu vefverslunum. Þar á me…