Frjálsíþróttakonan Bergrún Ósk Aðalsteinsdóttir frá ÍR varð í sumar heimsmeistari ungmenna í langstökki á HM U20 og U17 sem fram fór í Nottwil í Sviss.
Bergrún keppir í flokki T/F 37 og stökk 4,12 metra í U20-flokki sem dugði henni til heimsmeistaratitils! Frábær árangur hjá þessari öflugu frjálsíþróttakonu sem síðar fór á HM fullorðinna í nóvembermánuði og bætti þar um betur þegar hún stökk 4,26 metra.
Bergrún lét sér ekki nægja sigur í langstökki í Sviss því hún vann einnig spjótkastkeppnina þar sem hún kastaði spjótinu 23,08 metra. Þá hafnaði hún í 5. sæti í 200 m hlaupi og 4. sæti í 100 m hlaupi.
Hafliði Hafþórsson fór til flokkunar við mótið en keppti ekki og þá tók Erlingur Ísar Viðarsson frá FH einnig þátt í U20-keppninni og varð átjándi í 100 m hlaupi, í 20. sæti í 200 m hlaupi og hafnaði í 7. sæti í langstökki með stökki upp á 3,86 metra.
