Nú rétt í þessu hélt IPC (Alþjóða Ólympíuhreyfing fatlaðra) blaðamannafund í Peking, höfuðborg Kína.
Andrew Parsons forseti IPC kynnti þá breytingu á ákvörðun stjórnar sem nú hefur ákveðið að meina keppendum frá Rússlandi og Hvíta-Rússlandi þátttöku í leikunum vegna innrásar Rússa í Úkraínu. Rétt tæpar 20 stundir eru síðan IPC kynnti að báðar þjóðir fengju að taka þátt með því að tefla fram sínu íþróttafólki sem „neutral athletes” eða sem hlutlausir íþróttamenn.Ísland ásamt Norðurlöndunum hvöttu nýverið IPC til að íhuga að meina Rússlandi og Hvíta-Rússlandi um þátttöku í leikunum.
Erindi Norðurlandanna til IPC má nálgast hér.
Hér má svo nálgast tilkynningu IPC sem birt var í morgun um breytta afstöðu og keppnisbannið á Rússland og Hvíta-Rússland sem nú hefur tekið gildi.
