Geir Sverrisson er fyrrum afreksmaður í frjálsum íþróttum og sundi og margfaldur verðlaunahafi á Paralympics. Hann er enn afar virkur í sinni heilsurækt og núverandi stjórnarmeðlimur hjá Íþróttasambandi fatlaðra. Hér að neðan má sjá snarpa kynningu frá Geir á vatnaíþróttum sem líka er hægt að stunda í snjó:
Eftir að hafa lokið afreksíþróttaiðkun hef ég einbeitt mér að vatnaíþróttum og frelsi á sjó. Standróðrarbretti (SUP) og Kajak (kayak) eru frábærar fjölskylduíþróttir og fela í sér lágmarks áhættu ef rétt er að staðið með útbúnaði s.s. góðum blaut- eða þurrbúningi, björgunarvesti ásamt hönskum, húfu og skóm.
Margar verslanir selja kayaka s.s. www.ggsport.is www.hafsport.is www.epicisland.is
Námskeið eða kynningar eru í boði hjá fjölda afþreyingafyrirtækja. Bretti eru fáanleg allavega hjá GG sport.is DEBE.IS og örugglega fleiri, stundum í Costco og á erlendum vefverslunum.
Akureyri:
Venture North
Paddle North Iceland
Sup Iceland
Kitesurf er reyndar ekki mjög aðgengileg íþrótt sem fámennur hópur stundar hérlendis. Fatlaðir stunda það þó klárlega þ.m.t. mænuskaðaðir á aðlöguðum brettum. Námskeið eru ekki í boði hérlendis en námskeið er skilyrði fyrir öruggri iðkun.
Snowkiting er hliðargrein með svipuðum búnaði en eilítið aðgengilegra. Þar er þó tilsögn reyndra skilyrði, trainer/æfingardreki eru fyrstu skrefin (fínt fjölskylduleikfang).
Geir Sverrisson
