Hjólreiðakona ársins 2021 Arna Sigríður Albertsdóttir situr ekki auðum höndum en nú er hún stödd í Vuokatti í Finnlandi þar sem hún mun halda til alþjóðlegrar flokkunar í skíðagöngu.
Arna og aðstoðarkona hennar og þjálfari Sigrún Anna Auðardóttir plægja þar með nýjan akur því Arna verður fyrst íslenskra kvenna til þess að hljóta alþjóðlega flokkun í skíðagöngu og þá mun hún einnig taka þátt í sinni fyrstu alþjóðlegu keppni.
Mótið í Vuokatti er liður í Evrópumótaröð IPC en Vuokatti er í Norður-Finnlandi og þurftu þær stöllur að leggja á sig ansi myndarlegt ferðalag fyrir verkefnið.
