Heim 2. tbl 2021 Fyrsta móti lokið: HM í janúar

Fyrsta móti lokið: HM í janúar

1 min read
Slökkt á athugasemdum við Fyrsta móti lokið: HM í janúar
0
331

Skíðamaðurinn Hilmar Snær Örvarsson hefur lokið sínu fyrsta alþjóðlega móti á tímabilinu en þar keppti hann í svigi og stórsvigi í St. Moritz í Sviss. Keppnin var liður í heimsmótaröð IPC.

Hilmar hafnaði í 10. sæti í svigi fyrri keppnisdaginn en seinni daginn náði hann ekki að ljúka keppni. Í stórsvigi hafnaði hann svo í 10. og 12. sæti í tveimur ferðum.

Þórður Georg Hjörleifsson landsliðsþjálfari kvaðst sáttur eftir fyrsta mót. „Það hefur fjölgað mikið í flokki Hilmars og samkeppnin er að eflast til muna sem er mikið fagnaðarefni. Við erum nokkuð ánægðir með þetta fyrsta mót og vitum hvað þarf að skoða betur fyrir heimsmeistaramótið í Noregi í janúar,” sagði Þórður. 
Hilmar verður á meðal keppenda á HM í Lillehammer en mótið stendur 8.-23. janúar en keppnisdagara Hilmars eru 19. og 21. janúar þar sem hann mun keppa í svigi og stórsvigi. 

Sækja skyldar greinar
Load More By Jón Björn Ólafsson
Load More In 2. tbl 2021
Comments are closed.

Skoðaðu einnig

Ármann Íslandsmeistari: Ingeborg með risa bætingu

Íslandsmót Íþróttasambands fatlaðra í frjálsum innanhúss fór fram í Frjálsíþróttahöllinni …