Árlega stendur Alþjóðaólympíuhreyfing fatlaðra (IPC) að verðlaunahátíðinni „Paralympic Sport Awards.“ Sökum heimsfaraldurs COVID-19 verður um streymisviðburð að ræða og mun hann hefjast í beinni útsendingu á Youtube fimmtudaginn 16. desember næstkomandi.
Við athöfnina verður íþróttafólk í forgrunni þar sem verðlaun verða veitt fyrir þátttöku í Tokyo Paralympics 2021. Flokkarnir sem um ræðir eru besta frumraun á leikum kvenna, besta frumraun á leikum karla, besti dómarinn, besta liðið, hugrekkisverðlaun, besta íþróttakona leikanna og besti íþróttakarl leikanna.
Útsendingin hefst fimmtudaginn 16. desember kl. 14.00 að íslenskum tíma.
