Íþróttasamband fatlaðra og Rúmfatalagerinn hafa átt í öflugu samstarfi í hart nær þrjá áratugi. Rúmfatalagerinn er einn helsti samstarfs- og styrktaraðili ÍF. Nýverið fóru fulltrúar ÍF til fundar við okkar öfluga fólk hjá Rúmfatalagernum og kom formaðurinn Þórður Árni Hjaltested færandi hendi.
Þórður afhenti þá Rúmfatalagernum Paralympic-kyndilinn fyrir Vetrar Paralympics 2022 sem fram fóru í Peking í Kína. Ísland fékk úthlutað tveimur kyndlum og munu þeir framvegis hafa samastað hjá Össur og nú Rúmfatalagernum sem ævarandi tákn um öflugt og gott samstarf í gegnum árin. Þessir kyndlar eru framleiddir í afar takmörkuðu upplagi og því um einstaka safngripi að ræða.
Rósa Dögg Jónsdóttir markaðsstjóri Rúmfatalagersins og Þórarinn Ólafsson framkvæmdastjóri tóku við kyndlinum frá Þórði Árna formanni og Ólafi Magnússyni framkvæmdastjóra fjármála- og afrekssviðs ÍF.
Mynd/ JBÓ
