Myndarlegu ferðalagi frá Íslandi til Peking er nú lokið og íslenski hópurinn kominn í Yanqing þorpið þar sem keppendur í alpagreinum á Vetrar Paralympics dvelja. Þorpið er rúma 100 kílómetra frá höfuðborginni Peking.
Hópurinn fór í gegnum París og þaðan beina leið til Peking. Enginn verður óbarinn biskup og smávegis af farangri hópsins skilaði sér ekki á áfangastað en heimamenn eru með málið á sinni könnu og von á restinni af farangrinum í þorpið í dag.Eins og áður hefur komið fram er Hilmar Snær Örvarsson eini keppandi Íslands á leikunum en hann keppir í stórsvigi 10. mars og svigi 12. mars. Allir fremstu skíðamenn heims eru mættir við leikana en stríðsrekstur Rússa í Úkraínu hefur sett mikinn svip á andrúmsloftið.
