Afrekshópur Íþróttasambands fatlaðra í frjálsum íþróttum kom saman síðustu helgi. Kári Jónsson landsliðsþjálfari ÍF kallaði hópinn saman til æfinga og mælinga. Hópurinn stundar mælingar hjá Guðna Val Guðnasyni en mælingarnar eru liður í meistaraverkefni Guðna við íþróttafræðideild Háskólans í Reykjavík í samstarfi við ÍF.
Mæld er líkamleg afkastageta en hópurinn fór einnig yfir þá spennandi hluti sem eru í farvatninu á árinu 2024 en þar eru m.a. Heimsmeistaramótið í frjálsum í Kobe í Japan sem og Paralympics í París ásamt Norðurlandamóti og fleiri verkefnum sem undirbúa þarf fyrir komandi starfsár.
Hópurinn fékk einnig inn í Kaplakrika og æfði þar saman en ljóst er að risavaxið ár er í uppsiglingu með komu 2024.
