Íþróttasamband fatlaðra, Special Olympics og Háskólinn í Reykjavík efna til málþings um keppnisíþróttir einstaklinga með þroskahamlanir og einhverfu.
Málþingið er opið öllum en sérstaklega ætlað þeim sem starfa með íþróttafólki með þroskahömlun og einhverfu.
Málþingið verður laugardaginn 18. febrúar í Háskólanum í Reykjavík í stofu M122 á milli klukkan 13:00 – 16:30.
Þarna verður fjallað um þær mismunandi keppnir sem eru í boði bæði innanlands og á alþjóðlegum vettvangi.
Farið verður í gegnum leiðbeiningar um hvernig best er að þjálfa einstaklinga með þroskahömlun og einhverfu.
Í lokin verða hópumræður um hvert við getum stefnt og hvernig við getum lært hvert af öðru.
Á myndinni hér að ofan má sjá kraftlyfingakonuna Huldu Sigurjónsdóttur fagna góðri lyftu.
Dagskrá
13:00 Setning málþings. Ingi Þór Einarsson, HR
13:05 Anna Karólína Vilhjálmsdóttir. ÍF og Ingi Þór Einarsson, HR
Hvaða íþróttakeppnir eru í boði innanlands fyrir einstaklinga með þroskahamlanir og einhverfu?
Hvaða skilyrði eru fyrir þátttöku á þessum mótum?
13:20 Anna Karólína Vilhjálmsdóttir, ÍF og Ingi Þór Einarsson, HR
Hvaða íþróttakeppnir eru í boði á alþjóðlega fyrir einstaklinga með þroskahamlanir og einhverfu?
Alþjóðasamtök: SPECIAL OLYMPICS, VIRTUS og IPC
13:45 Ingi Þór Einarsson, HR
Hvaða skilyrði eru fyrir þátttöku á þessum mótum?
Flokkunarkerfi; SPECIAL OLYMPICS , VIRTUS og IPC
14:30 KAFFIHLÉ
14:45 Ingi Þór Einarsson og Gunnar Ingi Garðarsson og Snorri Örn Birgisson, nemar í HR
Hvernig er best að þjálfa einstaklinga með þroskahamlanir og einhverfu
15:15 Hópvinna. Hópstjórar; Ingi, Gunnar og Snorri.
Umræður í hópum um hvað við getum gert betur og hvernig við getum lært hvert af öðru
16:00 Allir
Samantekt og umræður um næstu skref
16:30 Lok málþings
Ókeypis aðgangur
Vinsamlega staðfestið skráningu HÉR fyrir miðvikudaginn 15. febrúar 2023
