Sjö glæsilegir fulltrúar Íslands standa í ströngu í sumar þegar Heimsmeistaramótin í frjálsum íþróttum, sundi og bogfimi fara fram. HM í sundi fer fram í Manchester í Bretlandi en frjálsar fara fram í París í Frakklandi. Heimsmeistaramótið í bogfimi verður svo haldið í Pilsen í Tékklandi.
Öll þessi heimsmeistaramót geta haft mikil áhrif á möguleika íþróttafólksins til þess að vinna sér inn sæti á Paralympics í París 2024 en lágmarkatímanum fyrir Paralympics lýkur þó ekki fyrr en á vormánuðum 2024.
Hér að neðan má sjá hóp Íslands sem mun láta til sín taka á heimsmeistaramótum sumarsins
HM í frjálsum 2023: 8.-17. júlí
Stefanía Daney Guðmundsdóttir – Eik
Ingeborg Eide Garðarsdóttir – Ármann
HM í bogfimi 2023: 17.-23. júlí
Þorsteinn Halldórsson – Hrói Höttur
HM í sundi 2023: 31. júlí – 6. ágúst
Már Gunnarsson – Guilford City
Sonja Sigurðardóttir – ÍFR
Thelma Björg Björnsdóttir – ÍFR
HM í hjólreiðum 2023: 3.-13. ágúst
Arna Sigríður Albertsdóttir – HFR
Mynd/ Jón Björn: Þorsteinn Halldórsson mun í sumar reyna af krafti við að vinna sér sæti á Paralympics 2024.
