Íslandsmót Sundsambands Íslands og Íþróttasambands fatlaðra fór fram í Laugardalslaug í aprílbyrjun en síðustu ár hafa mótin verið haldin sameiginlega og gefið góða raun. Að þessu sinni féllu fjögur ný Íslandsmet á mótinu hjá sundfólki úr röðum fatlaðra.
Róbert Ísak Jónsson og Sigrún Kjartansdóttir settu bæði hvert sitt met en Sonja Sigurðardóttir sem nýverið var endurflokkuð úr flokki S4 í flokk S3 setti tvö ný Íslandsmet á mótinu.
Mótinu var streymt í beinni á Youtube-rás Sundsambands Íslands og má sjá streymin hér.
Íslandsmet á ÍM50 2023
Róbert Ísak Jónsson – SH/Fjörður – S14 – 50m flugsund: 26,56 sek.
Sigrún Kjartansdóttir – Fjörður – S16 – 200m skriðsund: 3:17,97 mín.
Sonja Sigurðardóttir – ÍFR – S3 – 100m baksund: 2:28,81 mín.
Sonja Sigurðardóttir – ÍFR – S3 – 50m skriðsund: l1:11,54 mín.
Myndasafn frá Íslandsmóti ÍF í sundi/ Davíð Eldur Baldursson
Mynd með frétt/ DEB: Sonja Sigurðardóttir í baksundi á ÍM50 2023
