Paralympics verða settir í París í Frakklandi þann 28. ágúst næstkomandi þegar setningarhátíð leikanna fer fram. Metfjöldi þjóðlanda og metfjöldi kvenna mun taka þátt á Paralympics að þessu sinni!
Alls verða 168 þjóðlönd sem eiga keppendur á leikunum með um það bil 4400 keppendur en 168 keppnisþjóðir er fjölgun um fjórar frá leikunum í London 2012 og Tokyo 2020. Það eru Eritrea, Kribati og Kosovo sem mæta í fyrsta sinn á leikana en fjöldi kvenna að þessu sinni er 1983 samkvæmt síðustu tölum mótshaldara. Alls 1846 kvenkyns keppendur tóku þátt í Tokyo 2020 en það er tvöföldun frá kvenkynskeppendum síðan í Sydney 2000.
Í ár eru það Kínverjar sem eru fjölmennastir þjóða á Paralympics með 282 keppendur og þar á eftir eru Brasilíumenn næstir með 237 í þróttamenn. Heimamenn í Frakklandi eru einnig fjölmennir með keppendur í öllum greinum og þar af 82 konur.
Mynd/ JBÓ – Íslenski hópurinn lenti í París í dag og hófst strax handa við að koma sér fyrir. Konur eru í meirihluta keppenda þessa leika, þrjár og tveir karlar. Áfram Ísland!
