Bogfimimaðurinn Þorsteinn Halldórsson hafnaði í 2. sæti á Íslandsmóti öldunga í C5M Compound í karlaflokki 50 ára og eldri. Þorsteinn lenti í hörku úrslitaeinvígi gegn Alberti Ólafssyni á mótinu.
Íslandsmótið fór fram í Bogfimisetrinu 13.-14. nóvember síðastliðinn en skotið var af 18m færi innandyra. Í úrslitaviðureigninni var Þorsteinn með 138 stig en Albert 140. Þorsteinn sem nýverið skipti yfir í Íþróttafélagið Akur er nú kominn á fullt við undirbúning fyrir heimsmeistaramótið sem fram fer í febrúarmánuði 2022 í Dubai.
Árið 2016 varð Þorsteinn fyrstur Íslendinga til þess að keppa á Paralympics í bogfimi en hann missti svo af tækifærinu til þess að tryggja sér pláss á Paralympics í Tokyo.
Öll nánari úrslit öldungamótsins má nálgast hér
