Global Games standa nú yfir í Vichy í Frakklandi en leikarnir eru alþjóðaleikar VIRTUS sem eru heimssamtök íþróttafólks með þroskahamlanir. Sundmaðurinn Snævar Örn Kristmannsson hefur þegar landað gullverðlaunum í sundi og frjálsíþróttakonan Stefanía Daney Guðmundsdóttir er búin að setja nýtt Íslandsmet í 400m hlaupi.
Snævar landaði gullverðlaunum í 200m flugsundi en Stefanía átti Íslandsmetið sjálf í 400m hlaupi frá árinu 2019. Þá hljóp hún 400m á 65,13 sek. á opna pólska meistaramótinu. Hún tók sig til í Frakklandi núna og hljóp á 64,50 sek.
Hægt er að fylgjast með hópnum á Instagram á „npciceland“ sem og í beinni á sjónvarpsrás mótshaldara hér.
Mynd/ Íslenski hópurinn við setningarathöfnina í Frakklandi
