Heim 2. tbl 2021 Paralympic-dagurinn 2022: Spennt að kynna körfuboltann

Paralympic-dagurinn 2022: Spennt að kynna körfuboltann

3 min read
Slökkt á athugasemdum við Paralympic-dagurinn 2022: Spennt að kynna körfuboltann
0
873

Paralympic-dagurinn fer fram í Frjálsíþróttahöllinni í Laugardal þann 3. desember næstkomandi. Stór og skemmtilegur kynningardagur á íþrótta- og lýðheilsustarfsemi fatlaðra á Íslandi. Ein af hinum skemmtilegum kynningum helgarinnar verður í höndum Special Olympics- körfuboltahóps Hauka sem æfir undir stjórn Báru Fanneyjar Hálfdanardóttur.

„Við erum mjög spennt fyrir Paralympic-deginum og að fá tækifæri til að kynna körfubolta fyrir áhugasama og starfinu sem við bjóðum upp á hjá Haukum. Haukar körfubolti Special Olympic hópurinn var stofnaður fyrir 5 árum og hefur stækkað mikið síðan þá. Á fyrstu æfingunni okkar vorum við með þrjá iðkendur og í dag eru yfir 30 krakkar að æfa hjá okkur, á aldrinum 6-16 ára,“ sagði Bára Fanney en hvað ætla Haukar að bjóða gestum Paralympic-dagsins uppá?

„Planið okkar á Paralympic deginum er að vera með körfu, nokkra bolta og setja upp smá þrautabraut svo fólk getur prófað að drippla, skjóta á körfu og fleira, fá smá tilfinningu fyrir því sem við erum að gera á æfingum,“ sagði Bára sem sjálf á að baki farsælan feril með Haukum.

„Körfubolti er svo skemmtileg íþrótt og hentar vel fyrir fjölbreytta hópa. Það er svo gaman að vera hluti af liði og flottur vinskapur hefur myndast á milli krakkana. Við erum líka með sterkan foreldrahóp sem tekur virkan þátt sem hvatningarlið á hliðarlínunni og aðstoða með viðburði utan æfingatíma t.d. horfa saman á körfuboltaleiki, grillveislur og fleira“.

Hlökkum til að sjá sem flesta 3 desember á Paralympic deginum! 

Viðburður á Facebook

Mynd/ Úr einkasafni: Iðkendur frá Special Olympics körfuboltahópi Hauka mættu og studdu kvennalandsliðið til sigurs gegn Rúmeníu í gærkvöldi.

Sækja skyldar greinar
Load More By Jón Björn Ólafsson
Load More In 2. tbl 2021
Comments are closed.

Skoðaðu einnig

Már, Sonja og Thelma á leið til Parísar!

Alþjóða Ólympíuhreyfing fatlaðra hefur nú úthlutað megninu af sætum sem í boði eru fyrir s…