Forsetahjónin tóku á móti íslenska hópnum að Bessastöðum sem tók þátt í heimsleikum Special Olympics 2023. Leikarnir, sem fram fóru í Berlín 17. – 25. júní, eru stærsti íþróttaviðburður heims 2023 þar sem 7.000 keppendur frá 190 löndum taka þátt.
Frá Íslandi fóru 30 íþróttamenn sem kepptu í 10 greinum auk þess sem 120 aðstandendur fylgdust með íslenska hópnum. Þar á meðal var Eliza Reid forsetafrú, sem tók þátt í opnunarathöfninni 17. júní ásamt Ásmundi Einari Daðasyni, ráðherra íþrótta, og hvöttu þau íslensku keppendurna til dáða næstu daga á eftir. Að leikunum loknum efndu forsetahjón til móttöku á Bessastöðum fyrir íþróttafólkið og aðstandendur þeirra og buðu þau velkomin heim.
Nánar og fleiri myndir á heimasíðu forseta
Mynd með frétt/ Embætti forseta Íslands
