Laugardaginn 15. nóvember síðastliðinn tók Ísland þátt á Special Olympics deginum á Heimsmeistaramótinu í kraftlyftingum sem fór fram í Cluj-Napoca í Rúmeníu. Ísland átti þar fimm keppendur: Aníta Ósk Hrafnsdóttir, Emil Steinar Björnsson, Hulda Sigurjónsdóttir, María Sigurjónsdóttir og Sigríður Sigurjónsdóttir.
Alls voru 21 einstaklingar frá níu löndum sem tóku þátt og var samkeppnin hörð í öllum flokkum. Íslensku keppendurnir mættu vel undirbúnir eftir mikla vinnu síðustu mánuði sem skilaði sér svo sannarlega þar sem flestir bættu sig í öllum greinum, persónuleg met féllu og voru einnig ný Íslandsmet sett.
Úrslit íslenska hópsins var eftirfarandi
Aníta Ósk Hrafnsdóttir lenti í 1. sæti í sínum þyngdarflokki með miklar persónulegar bætingar
Emil Steinar Björnsson lenti í 2. sæti í sínum þyngdarflokki og var 3. stigahæsti karlkyns keppandi mótsins
Hulda Sigurjónsdóttir lenti í 1. sæti í sínum flokki og var 2. stigahæsta kona mótsins með stórar bætingar í öllum greinum
María Sigurjónsdóttir lenti í 4. sæti í sínum þyngdarflokki með flottar bætingar í öllum greinum
Sigríður Sigurjónsdóttir lenti í 2. sæti í sínum flokki og var 3. stigahæsta kona mótsins, einnig með bætingar í öllum greinum
Óhætt er því að segja að hópurinn hafi átt virkilega góðan dag, mikil samheldni var í hópnum þar sem allir voru að hvetja hvort annað áfram. Nú þegar hópurinn er kominn heim halda æfingar áfram og ný markmið fyrir næsta keppnisár eru þegar komin á teikniborðið.
