Um síðustu helgi var NM í línu haldið í Gautaborg. Keppt var í fullorðins-, ungmenna- og paraklifurflokkum á mótinu.
Gauti Stefánsson gerði sér lítið fyrir og tók 3. sætið í paraklifrinu í flokki blindra, sjónskertra og einfættra. Gauti er því fyrsti Íslendingurinn sem vinnur til verðlauna á erlendu móti í klifri úr röðum fatlaðra. Þetta er frábær árangur og flott að sjá hversu mikið hann hefur bætt sig á milli ára.
Þess má get að Klifurfélag Reykjavíkur er farið af stað með klifurnámskeið fyrir blind, sjónskert eða hreyfihömluð börn. Markmið verkefnisins er að kynna klifuríþróttina fyrir fjölbreyttari hóp barna og ungmenna og auka þátttöku fatlaðra barna í íþróttum. Hægter að sjá nánar um námskeiðið og skráningar hér
