Norðurlandameistaramótið í sundi í 25m laug fór fram í Eistlandi síðustu helgi þar sem Róbert Ísak Jónsson og Thelma Björg Björnsdóttir urðu bæði Norðurlandameistarar! Róbert varð meistari í 200m fjórsundi en Thelma í 100m bringusundi.
Róbert Ísak sem keppir fyrir SH/Fjörð í flokki S14 varð eins og áður greinir Norðurlandameistari í 200m fjórsundi, þá tók hann silfurverðlaun í 50 og 100 metra flugsundi. Thelma Björg sem keppir fyrir ÍFR í flokki S6 varð meistari í 100m bringusundi en hafnaði í 4. sæti í 400m skriðsundi, 50m bringusundi og 200m fjórsundi og varð svo áttunda í 50m skriðsundi.
Til hamingju með árangurinn Róbert og Thelma!
Myndir/ úr einkasafni – Efsta mynd er Thelma Norðurlandameistari og á þeirri Róbert en á neðstu mynd er íslenski hópurinn með Ragnari Friðbjarnarsyni landsliðsþjálfara og Hafdísi Aðalsteinsdóttur aðstoðarkonu.
