Heim 1. tbl. 2024 Woody Harrelson á Special Olympics!

Woody Harrelson á Special Olympics!

4 min read
Slökkt á athugasemdum við Woody Harrelson á Special Olympics!
0
415

Special Olympics á Íslandi hefur unnið að því í marga mánuði að fá kvikmyndina CHAMPIONS  sýnda á Íslandi en hún kom út 2023. Sunnudaginn 28. apríl verður myndin sýnd í Bíó Paradís, myndin er boðssýning og aðeins verður ein sýning í kvikmyndahúsi á Íslandi .


Sérstakir heiðursgestir á þessum viðburði verða  iðkendur, þjálfarar og aðstandendur Special Olympics körfuboltaliðs Hauka í Hafnarfirði. Það er mjög ánægjulegt að Síminn Bíó mun kynna myndina sérstaklega og sýna hana í sjónvarpi símans í  kjölfar sýningarinnar á Íslandi

Fólk er hvatt til þess að deila þessum upplýsingum og skora á aðra að horfa á myndina í Síminn  Bíó en myndin er mjög áhugaverð og skemmtileg.

Efnið tengist beint verkefninu ALLIR MEÐ sem IF, UMFÍ og ÍSÍ vinna nú að í sameiningu. Þar gegna þjálfarar lykilhlutverki við að opna dyr fyrir alla í íþróttastarfi.

Kvikmyndin Champions með Woody Harrelson í aðalhlutverki segir frá þjálfara sem tekin er við ölvun við akstur og þarf að gegna samfélagsþjónustu. Hann fær það verkefni að taka að sér þjálfun Special Olympics körfuboltaliðs sem hann er alls ekki ánægður með í byrjun og ýmislegt gengur á. Myndin er gerð í samstarfi Universal og Special Olympics samtakanna. Special Olympics samtökin sem stofnuð voru 1968 af Kennedy fjölskyldunni hafa að markmiði að efla lífsgæði fólks með þroskahömlun, gegnum þátttöku í íþróttastarfi.

Samtökin eru í dag með yfir 5 milljónir skráðra iðkenda í íþróttastarfi um allan heim en vinna einnig að mennta og heilbrigðismálum. Heimsleikar Special Olympics eru fjórða hvert ár. Þar hafa yfir 600 íslenskir keppendur  tekið þátt á eigin forsendum, þar sem allir fá verðlaun.

Undanfarin ár hefur verið sérstök áhersla hjá Special Olympics samtökunum  á „unified sport“  þar sem fatlaðir og ófatlaðir æfa og keppa saman í íþróttum og „unified schools“ þar sem fatlaðir og ófatlaðir nemendur vinna saman að ólíkum verkefnum.

Myndin er sýnd í tengslum við komu David Evangelista framkvæmdastjóra Special Olympics í Evrópu til Íslands dagana 28 – 30 apríl. Hann mun undirrita samstarfsyfirlýsingu sem kynnt verður nánar síðar en það tengist inngildingu  og „unified“ shcools verkefninu.

Sækja skyldar greinar
  • Mikilvægt skref stigið

    Mikilvægt skref stigið með samstarfsyfirlýsingu Special Olympics í Evrópu, Mennta og barna…
  • Lífleg helgi á Akureyri

    Það var líf og fjör á Akureyri um miðjan mars þegar Special Olympics körfuboltahópur Hauka…
  • Allir með, einnig Landlæknir!

    Embætti landlæknis birti endurskoðaða útgáfu opinberra ráðlegginga um hreyfingu og takmörk…
Load More By Anna Karólína Vilhjálmsdóttir
Load More In 1. tbl. 2024
Comments are closed.

Skoðaðu einnig

Mikilvægt skref stigið

Mikilvægt skref stigið með samstarfsyfirlýsingu Special Olympics í Evrópu, Mennta og barna…