Sumarmeistaramót SSÍ fór fram um síðastliðna helgi í Ásvallalaug í Hafnarfirði. Snævar Örn Kristmannsson ÍFR/Breiðablik setti þar tvö ný Íslandsmet í flokki S15 (sundfólk með einhverfu). Snævar hefur farið mikinn í lauginni síðustu misseri og lét vel til sín taka á Sumarmeistaramótinu.
Snævar setti Íslandsmet í 50m skriðsundi og í 100m skriðsundi en hann verður keppandi Íslands á Heimsmeistaramóti VIRTUS í sundi sem fram fer í Tælandi 20.-30. ágúst næstkomandi.
Metin sem Snævar setti um helgina voru 50m skriðsund á tímanum 27.03 sek og 100m skriðsund á tímanum 59.22 sek.
